கீழே போட்டு மிதிப்போம்

தனிமை இருள் நீக்க
சிந்தனைச் சுடர் இருக்கு
அந்த மின்மினி சிகரட்டின்
சிறு வெளிச்சம் இனிஎதற்கு

புண்பட்ட மனம் ஆற்ற
பண்பட்ட நட்பு போதும்
வெண்குழல் ஊதும்போது
புண் புரையோடிப் போகும்

இளமை அழிக்கும் புகை
இனிமை குலைக்கும் புகை
இனிமேல் நமக்குப் பகை
இனிமேல் நமக்குப் பகை

உதடு கள் நடுவே
உபத்திரம் இருக்குதே
உடலினை கெடுக்குதே
உயிரினை சுருக்குதே

வெள்ளாடை போர்த்தி அது
சொல்வதுவும் புரியலியா
உள்ளே உன் உறுப்பெல்லாம்
கரிவதுவும் தெரியலையா

இன்றே முடிப்போம்
இந்த வெள்ளையனின் கதையை
பெறுவோம் மீண்டும் ஒரு சுதந்திரம்
அந்த கடைசி சிகரட்டை கீழே போட்டு மிதிப்போம்.

Popularity: 3% [?]

Print This Post Print This Post இந்த பதிவை மின்னஞ்சலில் அனுப்ப இந்த பதிவை மின்னஞ்சலில் அனுப்ப


RSS 2.0 மறுமொழிக்கான ஓடை | உங்கள் கருத்து.... உங்கள் தளத்தில் இணைக்க....



7 மறுமொழிகள் to “கீழே போட்டு மிதிப்போம்”

  1. Vajra சொல்கிறார்:

    தம் மடிக்கும் பழக்கம் உண்டா? :))

    may 29 புகையிலை எதிர்ப்பு நாள்…உங்கள் கவிதை நன்றாக இருக்கிறது.

  2. சிறில் அலெக்ஸ் சொல்கிறார்:

    தம் அடிக்கும் பழக்கம் இர்நுதது.
    மே 26 முதல் விட்டுவிட்டேன்..

    :)

  3. சீனு சொல்கிறார்:

    //மே 26 முதல் விட்டுவிட்டேன்//

    மே 26 முதன்…மே 29 வரையா? இல்லை, என் நண்பர்கள் பலர் விட்டுவிட்டதாக கூறினாலும், பின் ஏதோ ஒரு சந்தர்பத்தில் திரும்ப தம் அடிக்க ஆரம்பித்துவிடுவார்கள். அதான் கேட்டேன்.

  4. சிறில் அலெக்ஸ் சொல்கிறார்:

    தம் விடுவதென்பது ஒரு கடினமான அனுபவம்…முன்பு ஒருமுறை தோற்றுவிட்டேன்…(3 மாத இடைவெளி)
    இப்போ விட மாட்டேன்..

    :)

  5. சீனு சொல்கிறார்:

    நல்ல வேளை, நான் அதை மட்டும் கத்துக் கொள்ளவில்லை.

    //இப்போ விட மாட்டேன்//

    தம் அடிப்பதையா (அ) சபதத்தையா?

  6. சிறில் அலெக்ஸ் சொல்கிறார்:

    சீனு,
    கத்துக்காதது ரெம்ப நல்லது..

    //தம் அடிப்பதையா (அ) சபதத்தையா? //

    கேட்பீங்கன்னு தெரியும்..

    இதையே ரேவ்தி ‘விட்டுடுவீன்னீங்களே’ அப்படீன்ருப்பாங்க.

  7. கால்கரி சிவா சொல்கிறார்:

    நான் வெற்றிகரமாக 5 வது வருடம்

உங்கள் கருத்தை தெரிவிக்கவும்